- បណ្តុះបណ្តាលអធិការអប់រំ ជំនាញវិជ្ជាជីវៈនាយកសាលា និងជំនាញផ្សេងទៀត តាមការចាំ បាច់ ដោយធ្វើការជ្រើសរើសក្នុងចំណោមអ្នកមានសញ្ញាបត្របរិញ្ញាបត្រ ឬសញ្ញាបត្រដែលមានតម្លៃស្មើ តាមរូបភាពអាហារូបករណ៍ និងការបង់ថ្លៃសេវាសិក្សា
- រៀបចំ ធ្វើបច្ចុប្បន្នភាព និងចងក្រងក្របខណ្ឌកម្មវិធីបណ្តុះបណ្តាល កម្មវិធីបណ្តុះបណ្តាល លម្អិត និងឯកសារគោលសម្រាប់ការបណ្តុះបណ្តាលលើជំនាញទទួលបន្ទុក
- ស្រាវជ្រាវ ចងក្រង និងផលិតឯកសារពាក់ព័ន្ធលើជំនាញទទួលបន្ទុក
- រៀបចំនិងធ្វើបច្ចុប្បន្នភាពនូវរាល់សម្ភារៈដែលបម្រើឱ្យការរៀននិងបង្រៀន
- ស្រាវជ្រាវនិងផលិតសម្ភារឧបទេសសម្រាប់បម្រើឱ្យការរៀននិងបង្រៀន
- ពិនិត្យតាមដាននិងកែលម្អការបង្រៀននិងរៀន
- វាយតម្លៃលទ្ធផលសិក្សានិស្សិត
- រៀបចំផែនការអនុវត្តកម្មវិធីបណ្តុះបណ្តាលប្រចាំឆ្នាំនិងផែនការកែលម្អកម្មវិធីបណ្តុះបណ្តាល
- សហការជាមួយមជ្ឈមណ្ឌលស្រាវជ្រាវអប់រំនិងនវានុវត្តន៍ ដើម្បីធ្វើការស្រាវជ្រាវជំនាញទទួលបន្ទុកឱ្យឆ្លើយតបទៅនឹងតម្រូវការប្រទេសជាតិ និងស្របតាមស្តង់ដាជាតិ តំបន់ និងអន្តរជាតិ
- បង្កើតទំនាក់ទំនង និងសហប្រតិបត្តិការល្អជាមួយគ្រឹះស្ថានសិក្សា និងគ្រឹះស្ថានបណ្តុះបណ្តាលនានាទាំងជាតិ និងអន្តរជាតិ ជាមួយដៃគូអភិវឌ្ឍន៍និងអ្នកពាក់ព័ន្ធលើជំនាញទទួលបន្ទុក
- សហការរៀបចំផែនការយុទ្ធសាស្រ្ត ផែនការប្រតិបត្តិប្រចាំឆ្នាំ និងផែនការថវិកា របស់វិទ្យាស្ថាន និងរបស់អង្គភាពផ្ទាល់
- ពង្រឹងការគ្រប់គ្រងអង្គភាពប្រកបដោយប្រសិទ្ធភាព គណនេយ្យភាព និងតម្លាភាព
- គ្រប់គ្រង ចាត់ចែង រៀបចំបំពាក់ និងថែរក្សាសម្ភារ ឧបករណ៍ ប្រព័ន្ធបច្ចេកវិទ្យា សៀវភៅ និងឯកសារដែលមាននៅក្នុងបន្ទប់រៀននិងទីកន្លែងប្រតិបត្តិ
- ធ្វើរបាយការណ៍សកម្មភាពការងារប្រចាំខែ ត្រីមាស ឆមាស និងប្រចាំឆ្នាំ តាមកាលកំណត់ជូនថ្នាក់ដឹកនាំវិទ្យាស្ថានជាតិអប់រំ និងក្រសួងអប់រំ យុវជន និងកីឡា
- ទទួលបន្ទុកអនុវត្តភារកិច្ចផ្សេងៗទៀត ដែលថ្នាក់ដឹកនាំវិទ្យាស្ថានប្រគល់ជូន។
