គម្រោងលើកកម្ពស់សុខភាពផ្លូវចិត្តនៅថ្នាក់ឧត្តមសិក្សាស្ដីពី ”ការប៉ះទង្គិចផ្លូវចិត្ត ការការពារ និងការថែទាំបឋមដែលត្រឹមត្រូវ”

នាព្រឹកថ្ងៃទី29 ខែវិច្ឆិកា ឆ្នាំ២០២៤ គម្រោងលើកកម្ពស់សុខភាពផ្លូវចិត្តនៅថ្នាក់ឧត្តមសិក្សា ហៅកាត់ថា “MentalHigh” បានប្រារព្ធ ព្រឹត្តិការណ៍កម្មវិធីអប់រំសុខភាព ស្ដីពី ”ការប៉ះទង្គិចផ្លូវចិត្ត ការការពារ និងការថែទាំបឋមដែលត្រឹមត្រូវ”  ក្រោមអធិបតីភាព លោក ថៃ ហេង នាយករងវិទ្យាស្ថានជាតិអប់រំ ។ ព្រឹត្តិការណ៍កកម្មវិធីអប់រំសុខភាព ស្ដីពី ”ការប៉ះទង្គិចផ្លូវចិត្ត ការការពារ និងការថែទាំបឋមដែលត្រឹមត្រូវ” មានការចូលរួមពីគ្រូ ឧទ្ទេសចិត្តវិទ្យា (ក្រុមការងារMentalHigh) និង​គរុនិស្សិតបរិញ្ញាបត្រ+២ គរុសិស្ស ភាសាបារាំង។គួរបញ្ជាក់ផងដែរគម្រោង “MentalHigh” ទទួលបានការគាំទ្រថវិកាពីកម្មវិធី Erasmus+ នៃសហភាពអ៊ឺរ៉ុប (European Union)។យើងខ្ញុំសូមថ្លែងអំណរគុណយ៉ាងជ្រាលជ្រៅ ដល់ថ្នាក់ដឹកនាំដែលបានយកចិត្តទុកដាក់ទៅលើសុខុមាលភាពរបស់និស្សិត និងបុគ្គលិក តាមរយៈការគាំទ្រយ៉ាងកក់ក្តៅចំពោះការអនុវត្តគម្រោង។

យើងខ្ញុំសូមជូនពរឲ្យថ្នាក់ដឹកនាំ និងគរុនិស្សិតដែលបានចូលរួមសូមប្រកបដោយសេចក្តីសុខ និងជោគជ័យក្នុងជីវិត។