នៅថ្ងៃទី២៦ ខែមករា ឆ្នាំ២០២៦ គម្រោងលើកកម្ពស់ការយល់ដឹងពីសុខភាពផ្លូវចិត្តនៅតាមគ្រឹះស្ថានឧត្តមសិក្សានៃប្រទេសក្នុងតំបន់អាស៊ីអាគ្នេយ៍ ហៅកាត់ថា MENTALHIGH បានរៀបចំកម្មវិធីសិក្ខាសាលាពង្រឹងសមត្ថភាពស្តីពី “ភាពធន់ផ្លូវចិត្តឆ្លើយតបនឹងទំហំការងាររបស់បុគ្គលិកអប់រំ” ក្រោមអធិបតីភាព លោកស្រី ប៊ុន សុផានី នាយិការងនៃវិទ្យាស្ថានជាតិអប់រំ និងមានការចូលរួមពី លោកស្រីប្រធាន អនុប្រធានដេប៉ាតឺម៉ង់ ការិយាល័យ និង លោកស្រីជាគ្រូឧទ្ទេសនៃវិទ្យាស្ថានជាតិអប់រំ។
សិក្ខាសាលានេះមានគោលបំណងពិភាក្សាគ្នាដើម្បីកសាងភាពធន់ផ្លូវចិត្តនឹងឆ្លើតបទៅទំនួលខុសត្រូវលើកាងាររបស់បុគ្គលិកអប់រំ នៃវិទ្យាស្ថានជាតិអប់រំ។ កម្មវិធីនេះដឹកនាំនិងសម្របសម្រួលសកម្មភាពដោយ លោកស្រី ហុង ណៃស៊ីម លោកស្រី សាន សោយរុក្ខា និងលោកស្រី វ៉ា ចំណាន ដោយចាប់ផ្ដើមចេញពីការសំណេះសំណាល និងសកម្មភាពមួយចំនួនដូចជា ការប៉ាន់ប្រមាណពីការតានតឹងចិត្ត និងកម្រិតភាពធន់ផ្លូវចិត្តរបស់អ្នកចូលរួម។ បន្ទាប់មក ការណែនាំពី ការសម្រាកផ្លូវអារម្មណ៍តាមរយៈសិល្បៈ បញ្ញតិនៃភាពធន់ផ្លូវចិត្ត សារៈសំខាន់ និងរបៀបក្នុងការកសាងភាពដែលមានប្រសិទ្ធភាព។
សិក្ខាកាមទាំងអស់បានចូលរួមយ៉ាងសកម្មក្នុងការអនុវត្ត ការចែករំលែកបទពិសោធន៍ដែលជាមតិឆ្លុះបញ្ចាំងផ្ទាល់ខ្លួន និងផ្លែងអំណរគុណកម្មវិធីសិក្ខាសាលាដែលបានចែករំលែកចំណេះដឹងដ៏មានសារៈសំខាន់ និងប្រកបដោយសារៈប្រយោជន៍នេះ។
«យើងរួមគ្នាកសាងភាពធន់ឆ្លើយតបទៅនឹងបន្ទុកការងារឱ្យមានប្រសិត្ធភាពខ្ពស់!»
