វិទ្យាស្ថានជាតិអប់រំ៖ ព្រឹកថ្ងៃទី២៧ ខែមិថុនា ឆ្នាំ២០២៥ នៅវិទ្យាស្ថានជាតិអប់រំបានបើកវេទិកាពិភាក្សាតុមូលក្រោមប្រធានបទ “ការបង្រៀន និងរៀននៅកម្រិតមធ្យមសិក្សាទុតិយភូមិនៅកម្ពុជា៖ បញ្ហាប្រឈម និងដំណោះស្រាយ” ក្រោមអធិបតីភាពឯកឧត្តមបណ្ឌិត សៀង សុវណ្ណា នាយកវិទ្យាស្ថានជាតិអប់រំ។ គួរបញ្ជាក់ផងដែរតថា វេទិកាពិភ្សាតុមូលនេះ មានការអញ្ជើញចូលរួមពីវាគ្មិនតំណាងនាយកដ្ឋានពាក់ព័ន្ធ និងនាយកសាលារៀនគំរូដែលមានជំនាញ និងបទពិសោធលើការងារអប់រំនៅកម្រិតមធ្យមសិក្សាទុតិយភូមិ។ គោលបំណងនៃវេទិកាពិភាក្សានេះ គឺដើម្បីចែករំលែកចំណេះដឹងនិងបទពិសោធ ដល់គរុនិស្សិតបរិញ្ញាបត្រ+២ ដែលត្រៀមបញ្ចប់ការសិក្សានាពេលដ៏ខ្លីខាងមុខនេះ ព្រមទាំងគ្រូឧទ្ទេសនៃវិទ្យាស្ថានជាតិអប់រំ ជាទុនសម្រាប់ចូលរួមដោះស្រាយបញ្ហានានាដែលកើតមាននៅកម្រិតមធ្យមសិក្សាទុតិយភូមិ។
