ឯកឧត្តមបណ្ឌិត សៀង សុវណ្ណា នាយកវិទ្យាស្ថានជាតិអប់រំ និងសហការីបានអញ្ជើញធ្វើទស្សនកិច្ច នៅសាកលវិទ្យាល័យជាតិជុងណាំ ទីក្រុងDaejeon នៃសាធារណៈរដ្ឋកូរ៉េ ចាប់ពីថ្ងៃទី២៧ ដល់ថ្ងៃ៣០ ខែឧសភា ឆ្នាំ២០២៦ ដើម្បីពង្រឹងទំនាក់ទំនងកិច្ចសហប្រតិបត្តិការរវាងគ្រឹះស្ថានអប់រំទាំងពីរ។ ក្នុងដំណើរទស្សនកិច្ចនេះ ឯកឧត្តមបណ្ឌិត បានអញ្ជើញចូលរួម (១) ចុះហត្ថលេខាលើអនុស្សរណៈយោគយល់គ្នា (MOU) រវាងសាកលវិទ្យាល័យជាតិជុងណាំ និងវិទ្យាស្ថានជាតិអប់រំ (២) ជាភ្ញៀវកិត្តិយសអន្តរជាតិជាន់ខ្ពស់ ក្នុងពិធីបើកជាផ្លូវការនៃវិទ្យាស្ថានអប់រំអន្តរជាតិ នៃមន្ទីរអប់រំក្រុង Daejeon (International Education Institute of the Daejeon Metropolitan Office of Education) ដែលជាមជ្ឈមណ្ឌលគំរូថ្មីសម្រាប់ជំរុញការអប់រំភាសាបរទេស និងការអប់រំភាពជាពលរដ្ឋសកល និង (៣) ជាវាគ្មិនក្នុងសិក្ខាសាលាស្តីពី “2026 International Academic Seminar on Global Citizenship Education”។
