រាជធានីភ្នំពេញ៖ នារសៀលថ្ងៃទី១៧ ខែមិថុនា ឆ្នាំ២០២៦ ឯកឧត្តមបណ្ឌិត សៀង សុវណ្ណា បានអញ្ជើញជាអធិបតីភាពក្នុង ពិធីបិទសន្និសីទស្រាវជ្រាវថ្នាក់ជាតិលើកទី១ ឆ្នាំ២០២៦ ក្រោមប្រធានបទ៖ «គ្រូបង្រៀន និងបញ្ញាសិប្បនិម្មិតក្នុងបរិវត្តកម្មឌីជីថល»។
ឯកឧត្តមបណ្ឌិត បានវាយតម្លៃខ្ពស់ចំពោះលទ្ធផលពិភាក្សា និងកិច្ចដំណើរការសន្និសីទរយៈពេល៣ថ្ងៃនេះ ដែលបានផ្តោតលើ៖
(១) គោលដៅនៃការអប់រំស្ទែមនៅកម្ពុជា
(២) ការបង្រៀន និងការរៀនដោយប្រើបញ្ញាសិប្បនិម្មិត
(៣) វិធីសាស្រ្តបង្រៀនប្រកបដោយនវានុវត្តដែលមិនប្រើបញ្ញាសិប្បនិម្មិត
(៤) ការវិវត្តនៃមុខវិជ្ជាវិទ្យាសាស្ត្រសង្គមនៅក្នុងបរិបទបញ្ញាសិប្បនិម្មិត
(៥) ការផ្លាស់ប្តូរតួនាទីរបស់បណ្ណាល័យក្នុងការរៀន និងបង្រៀននាសតវត្សទី២១
(៦) ការវាយតម្លៃការសិក្សារបស់សិស្សក្នុងបរិបទបញ្ញាសិប្បនិម្មិត
(៧) ផលជះនៃបញ្ហាសង្គមលើការអប់រំឌីជីថលនៅកម្ពុជា
(៨) ការគ្រប់គ្រងអប់រំ និងគោលនយោបាយអប់រំក្នុងបរិវត្តកម្មឌីជីថល។
សន្និសីទនេះបានផ្តល់ឱកាសឱ្យអ្នកស្រាវជ្រាវ បុគ្គលិកអប់រំ និងអ្នកពាក់ព័ន្ធបង្ហាញលទ្ធផលស្រាវជ្រាវ ពិភាក្សាគ្នារកចំណុចរួម ដំណោះស្រាយ និងជំហានបន្ទាប់ពាក់ព័ន្ធនឹងគ្រូបង្រៀននិងបញ្ញាសិប្បនិម្មិត ដែលជាផ្នែកមួយជួយអភិវឌ្ឍវិស័យអប់រំនៅកម្ពុជា។
១៧ មិថុនា ២០២៦ | វិទ្យាស្ថានជាតិអប់រំ
