ជំពូកទី១៖ ព័ត៌មានទូទៅ

១. សេចក្តីផ្តើម

កម្ពុជា គឺជាប្រទេសមួយធ្លាប់មានអរីយធម៌ឧត្តុងឧត្តម កិត្យានុភាពខ្ពង់ខ្ពស់ និងការរស់​នៅ​របស់​ប្រជា​ជនប្រកបដោយភាពថ្លៃថ្នូរ និងស៊ីវីល័យ ក្នុងប្រវត្តិសាស្ត្ររបស់ខ្លួន។ ជាក់ស្តែងនៅចន្លោះ​ឆ្នាំ​១៩៥០​ និង​១៩៦០ ប្រទេស​កម្ពុជា​​មានការអភិវឌ្ឍខ្លាំង ទាំង​ផ្នែក​សង្គម​​ និង​សេដ្ឋកិច្ច ​​ហើយ​វិស័យ​អប់​រំ ​ត្រូវ​បាន​គេទទួល​​ស្គាល់​យ៉ាង​ទូលំ​​ទូលាយ​នៅ​ក្នុង​តំបន់​ និង​នៅ​លើ​ពិភព​លោក​។ ប៉ុន្តែក្នុងរយៈ​ពេល​​​ពីរបីទសវត្សចុងក្រោយ ​កម្ពុជាបាន​ឆ្លង​កាត់ទុក្ខសោកវិនាសអន្តរាយ និងទ្រុឌទ្រោមគួរឱ្យ​សោក​​ស្តាយ​​។​​ នៅចន្លោះឆ្នាំ១៩៧៥-១៩៧៩ ប្រព័ន្ធអប់រំត្រូវ​បាន​​គេបោះ​បង់​ និងលុបបំបាត់ចោល​ទាំង​ស្រុង ហើយ​គ្រូបង្រៀន​ប្រ​មាណ​​៨០​ភាគរយ​ រងការកាប់សម្លាប់ ធ្វើឱ្យ​ប្រទេស​នេះ​បាត់​បង់​នូវ​ធន​ធាន​មនុស្សប្រកប​ដោយសក្តានុពល​​ជាច្រើន។

ស្ថិតក្នុងបរិបទនេះ រាជរដ្ឋាភិបាលកម្ពុជាបានដាក់ចេញនូវគោលនយោបាយ និង​យុទ្ធ​សាស្ត្រ​  ចតុ​កោណ​ដំណាក់កាលទី៤ សំដៅបង្កើនគុណភាពធនធានមនុស្ស ជាពិសេស​ការបន្ត​ពង្រឹង​សមត្ថ​ភាព និងអភិបាលកិច្ចរបស់បុគ្គលិក និងគណៈគ្រប់គ្រងនៃស្ថាប័ន​ដែលខ្លួនទទួលខុសត្រូវ​ ទាំង​ថ្នាក់​ជាតិ និង​ថ្នាក់ក្រោមជាតិ។ ក្រសួងអប់រំ​ យុវជន​ និងកីឡា បានខិតខំស្តារ និង​អភិ​វឌ្ឍ​វិស័យ​អប់រំ ធ្វើឲ្យ  វិស័​​យ​​នេះ​មានការ​រីកចម្រើនគួរឱ្យកត់សម្គាល់។ ក្រសួង បានធ្វើកំណែទម្រង់លើវិស័យអប់រំ ដោយ​បាន​រៀប​ចំ និងដាក់ឱ្យ​អនុវត្ត​នូវ​គោល​នយោបាយអប់រំជាតិ និង​ផែន​​ការយុទ្ធសាស្ត្រវិ​ស័យអប់រំ​​ ដើម្បី​ធានា​បាន​នូវការលើកកម្ពស់គុណភាព និងសេវាកម្មអប់រំប្រកបដោយគុណភាព និងសមត្ថភាព ព្រមទាំង​ស័ក្តិ​​សិទ្ធិ​ភាពនៃបុគ្គលិកអប់រំ​គ្រប់​លំ​ដាប់​ថ្នាក់ ដែលឆ្លើយតបទៅនឹងសេចក្តីត្រូវការ​ក្នុង​ការ​អភិវឌ្ឍ​សង្គម​សេដ្ឋ​កិច្ចដែលជាកត្តាគន្លឹះ​មិន​អាច​ខ្វះបានក្នុងការទ្រទ្រង់កំណើនសេដ្ឋកិច្ចជាតិ និងភាព​ប្រ​​កួ​ត​​​ប្រ​ជែង​​​របស់ប្រទេសក្នុងពេលបច្ចុប្បន្ន និង​សម្រាប់អនាគតរយៈពេលវែង។

ដោយមើលឃើញពីកង្វះខាតនៃអ្នកជំនាញក្នុងការគ្រប់គ្រងគ្រឹះស្ថានអប់រំ និងអ្នកស្រាវជ្រាវ​ផ្នែក​អប់រំ ក្រសួងបានលើកទឹកចិត្ត និងប្រគល់ភារកិច្ចឱ្យវិទ្យាស្ថានជាតិអប់រំ​​ បើក​​ដំណើរការកម្មវិធីសិក្សា​ថ្នា​ក់​​បណ្ឌិត​គ្រប់គ្រងអប់រំ ជំនាញគោលនយោបាយអប់រំ និងភាព​ជា​អ្នក​ដឹក​នាំក្នុងវិស័យអប់រំ​ ដោយ​មាន​​ការ​ជួយឧបត្ថម្ភ​ទាំង​ផ្នែក​​បច្ចេកទេស សម្ភារៈ និង​ថវិកា ​ពី​រាជ​រដ្ឋា​ភិ​បាល​ និង​ដៃគូអភិវឌ្ឍនានា។​​  ការ​​ដាក់​ឱ្យអនុវត្ត​កម្ម​វិធី​សិក្សា​នេះ ​នឹង​ជួយ​ឱ្យ​មន្ត្រី​​ថ្នាក់​ជាតិ​ និងថ្នាក់​​ក្រោម​ជាតិ​ទាំងអស់ ​ដែលកំពុង​បម្រើ​ការងារ​ក្នុងវិស័យ​អប់រំ ​មានឱកាសលើក​កម្ពស់​សមត្ថភាព​​របស់​ខ្លួន​ក្នុង​ការ​បំពេញការងារឱ្យ​កាន់​តែ​មាន​ប្រសិទ្ធភាព​ថែម​ទៀត។

២. ឈ្មោះកម្មវិធីសិក្សា

ភាសាខ្មែរ៖​      បណ្ឌិតគ្រប់គ្រងអប់រំ
ភាសាអង់គ្លេស៖      Doctor of Philosophy in Education​​al Administration

៣. ចក្ខុវិស័យ

ក្របខ័ណ្ឌកម្មវិធីសិក្សាថ្នាក់បណ្ឌិតគ្រប់គ្រងអប់រំ​ជំនាញគោលនយោបាយអប់រំ និងភាព​ជា​អ្នក​​ដឹក​នាំក្នុងវិស័យអប់រំ គឺដើម្បីបង្កើត​ចំណេះ​ដឹងថ្មី ទាក់ទងនឹងការគ្រប់គ្រងអប់រំ ​តាមរយៈ​ការសិក្សា​ស្រាវ​​ជ្រាវ ​ដើម្បីរួមចំណែក អភិវឌ្ឍសង្គមពុទ្ធិ ប្រកបដោយនិរន្តរភាព។

៤. គោលបំណង

ក្របខ័ណ្ឌកម្មវិធីសិក្សាថ្នាក់បណ្ឌិតគ្រប់គ្រងអប់រំ​ជំនាញគោលនយោបាយអប់រំ និងភាព​ជា​អ្នក​​ដឹកនាំក្នុងវិស័យអប់រំ ​​​ត្រូវ​បាន​បង្កើត​ឡើង​ក្នុងគោលបំណងបណ្តុះបណ្តាល​អ្នកសិក្សា​ឱ្យ​ក្លាយ​ជា៖

១. អ្នកស្រាវជ្រាវការគ្រប់គ្រងអប់រំ អ្នករៀបចំគោលនយោបាយអប់រំ និងអ្នករៀបចំផែនការយុទ្ធ   សាស្ត្រ និងផែនការសកម្មភាពក្នុងវិស័យអប់រំ ប្រកបដោយសមត្ថភាព និងក្រមសីលធម៌វិជ្ជាជីវៈ

២. អ្នកជំនាញគ្រប់គ្រងអប់រំ ដែលមានសមត្ថភាពអនុវត្តទ្រឹស្តីអប់រំក្នុងបរិបទជាតិ តំបន់ និងសកល។

៥. លទ្ធផលសិក្សាដែលរំពឹងទុក

អ្នកសិក្សាដែលបញ្ចប់ការសិក្សាថ្នាក់បណ្ឌិតគ្រប់គ្រងអប់រំជំនាញគោលនយោបាយអប់រំ និង​ភាពជាអ្នកដឹកនាំក្នុងវិស័យអប់រំដោយជោគជ័យ គឺជាបុគ្គលដែលមានគុណ​តម្លៃសម្រាប់​សង្គម​ជាតិ និងពិភពលោក។ អ្នកសិក្សា ត្រូវមានសម្បទាស្របតាមក្របខ័ណ្ឌគុណវុឌ្ឍិជាតិ (២០១៤) រួមមាន ចំណេះដឹង ជំនាញការគិតវិភាគ ទំនាក់ទំនងអន្តរបុគ្គល និងការទទួលខុសត្រូវ និងជំនាញលេខនព្វន្ត ព័ត៌មានវិទ្យា និងទំនាក់ទំនង។ សម្បទាទាំងនេះ មានសេចក្តីលម្អិតដូចខាងក្រោម៖

 ៥.១. ចំណេះដឹង 

៥.១.១. យល់ដឹងពីចំណុចសំខាន់ៗ លើការគ្រប់គ្រងអប់រំ រួមមានទ្រឹស្តី គោលការណ៍ ​និង            ​ទស្សនា​ទាន​ការគ្រប់គ្រងអប់រំជាមូលដ្ឋាន

៥.១.២. យល់ដឹងច្បាស់ពីប្រវតិ្តអប់រំ ច្បាប់អប់រំ និងការវិវត្តចុងក្រោយនៃការអប់រំ ជាពិ​សេស​ការ​ងារ​គ្រប់​គ្រងអប់រំ និងការគ្រប់គ្រងគ្រឹះស្ថានសិក្សា

៥.១.៣. យល់ដឹងពីការអភិវឌ្ឍជំនាញគ្រប់គ្រងអប់រំ ដែលមានឥទ្ធិពលទៅលើការអនុវត្ត​វិជ្ជាជីវៈ​ក្នុង​​វិ​ស័យ​​អប់រំ។

៥.២. ជំនាញការគិតវិភាគ  

៥.២.១. ស្រាវជ្រាវលើការងារគ្រប់គ្រងអប់រំ ដើម្បីបង្កើតចំណេះដឹងថ្មីៗ​ និងដោះស្រាយ​បញ្ហា​ផ្សេង​ៗ​ក្នុង​ការងារគ្រប់គ្រងអប់រំ និងគ្រប់គ្រងគ្រឹះស្ថានសិក្សាប្រកបដោយគំនិតច្នៃប្រឌិត និង​និរន្តរ​ភាព តាម​រ​យៈ​ការសិក្សាពេញមួយជីវិត​

៥.២.២. វិភាគ និងសំយោគទ្រឹស្តី ទស្សនាទាន យុទ្ធសាស្រ្ត និងគោលនយោបាយនានា​ មក​ជា​ផែ​ន​​​ការ​គ្រប់គ្រងអប់រំ សម្រាប់អនុវត្តក្នុងការងារគ្រប់គ្រងអប់រំ និងការគ្រប់គ្រង​គ្រឹះស្ថានសិក្សា​ប្រកប​ដោយ​ភាពទន់ភ្លន់ និងប្រសិទ្ធភាពខ្ពស់ ​ស្របតាមទិសដៅអប់រំជាតិ​ តំបន់ និងសកល។

៥.៣.​ ជំនាញទំនាក់ទំនងអន្តរបុគ្គល និងការទទួលខុសត្រូវ

៥.៣.១. ប្រព្រឹត្តិយ៉ាងសមស្របជាមួយនឹងស្វ័យភាព និងការផ្តើមគំនិតកម្រិតខ្ពស់ក្នុងសក​ម្ម​ភាព​ជា​អ្នក​គ្រប់គ្រងអប់រំ

៥.៣.២. ទទួលខុសត្រូវចំពោះសកម្មភាពរបស់ខ្លួន​

៥.៣.៣. សម្របសម្រួល និងលើកកម្ពស់កិច្ចសហប្រតិបត្តិការក្នុងការធ្វើការងារជាក្រុម និង​  អនុវត្ត​យ៉ាង​​​មានប្រសិទ្ធភាព ក្នុងភាពជាអ្នកដឹកនាំក្នុងវិជ្ជាជីវៈគ្រប់គ្រងអប់រំដ៏ស្មុគស្មាញ

៥.៣.៤. ស្រាវជ្រាវ និងស្វែងរកឫសគល់នៃបញ្ហាទាក់ទងការងារគ្រប់គ្រងអប់រំ ដើម្បីរក​ដំណោះ​ស្រាយ​​ប្រកបដោយសុភវិនិច្ឆ័យ ដោយឈរលើប្រយោជន៍រួមជាមូលដ្ឋាន។​

៥.​៤. ជំនាញលេខនព្វន្ត ព័ត៌មានវិទ្យា និងទំនាក់ទំនង

៥.៤.១. មានបំណិនក្នុងការប្រើប្រាស់ភាសា និងបច្ចេកវិទ្យាក្នុងការងារទំនាក់ទំនង ការ​ស្វែង​រក​ព័ត៌​មាន​​ការគ្រប់គ្រងការងារអប់រំ​ ការសរសេររបាយការណ៍​ ការធ្វើបទបង្ហាញ​ផ្លូវការ​និង​មិន​ផ្លូវ​ការ​ ការ​បោះ​ពុម្ពផ្សាយ ដូចជានិក្ខេបបទ ឬរបាយការណ៍គម្រោងស្តីពី​បញ្ហាសំខាន់​ណាមួយ​ប្រកប​ដោយ​    តម្លា​ភាព និងការទទួលខុសត្រូវខ្ពស់។

៥.៤.២. ​ប្រើប្រាស់ និងវិភាគ នូវព័ត៌មាន ទិន្នន័យគណិតវិទ្យា និងស្ថិតិ​អប់​រំ ​​។

៦. សមត្ថភាពវិជ្ជាជីវៈដែលរំពឹងទុក

អ្នកសិក្សាដែលបំពេញគ្រប់លក្ខខណ្ឌនៃក្របខ័ណ្ឌកម្មវិធីសិក្សាថ្នាក់បណ្ឌិតគ្រប់គ្រងអប់រំ ជំ​នាញ​គោល​​​នយោបាយអប់រំ និងភាពជាអ្នកដឹកនាំក្នុងវិស័យអប់រំ​ដោយជោគជ័យ នឹងមានសមត្ថភាព​វិជ្ជា​ជីវៈ​​ដូចខាងក្រោម៖

១. ស្រាវជ្រាវដើម្បីរៀបចំបង្កើត កែលម្អ និងអនុវត្តគោលនយោបាយអប់រំ​ និងផែនការយុទ្ធ​សាស្ត្រ​​អប់រំ

២.​ គ្រប់គ្រង និងវាយតម្លៃគ្រឹះស្ថានសិក្សា ស្របតាមការវិវត្តក្នុងបរិបទជាតិ តំបន់ និងសកល

៣. បង្កើត និងដឹកនាំឲ្យមាននវានុវត្តន៍ និងគំនិតច្នៃប្រឌិតផ្នែកគ្រប់គ្រងអប់រំ

៤. វិភាគស៊ីជម្រៅ និងស្វែងរកដំណោះស្រាយចំពោះបញ្ហាប្រឈមនានាក្នុងការងារគ្រប់គ្រងអប់រំ

៥. ស្រាវជ្រាវ ចែករំលែក និងបង្រៀនជំនាញគ្រប់គ្រងអប់រំ

៧. អាជីពដែលរំពឹងទុក

១. អ្នករៀបចំគោលនយោបាយ​អប់រំ និងផែនការយុទ្ធសាស្រ្តវិស័យអប់រំ

២. អ្នកគ្រប់គ្រងអង្គភាពអប់រំ និងគ្រឹះស្ថានសិក្សា

៣. អ្នកជំនាញគ្រប់គ្រងអប់រំ និងអ្នកតាមដាន និងវាយតម្លៃការងារគ្រប់គ្រងអប់រំ

៤. អ្នកស្រាវជ្រាវ សាស្ត្រាចារ្យ និង​អ្នករៀបចំកម្មវិធីសិក្សាជំនាញគ្រប់គ្រងអប់រំ

ជំពូកទី២៖
សេចក្តីលម្អិតកម្មវិធីសិក្សា

១. ប្រភេទកម្មវិធីសិក្សា និងចំនួនក្រេឌីត

កម្មវិធីសិក្សាថ្នាក់បណ្ឌិតអប់រំ ជំនាញគ្រប់គ្រងអប់រំ ផ្តោតលើឯកទេសពីរគឺ គោលនយោបាយអប់រំ (Educational Policy) និងភាពជាអ្នកដឹកនាំក្នុងវិស័យអប់រំ (Educational Leadership)។ អ្នក​សិក្សា​​​អាចជ្រើសរើសច្រកសិក្សាប្រភេទណាមួយនៃកម្មវិធីសិក្សាដូចខាងក្រោម ៖

• ប្រភេទទី ១ ជាកម្មវិធីសិក្សាបែបស្រាវជ្រាវ​ សរសេរនិក្ខេបបទ សុទ្ធសាធ ប៉ុន្តែអ្នកសិក្សា​ត្រូវ​ចុះ​​ឈ្មោះចូលរៀនមុខវិជ្ជាបំពេញបន្ថែមចំនួនយ៉ាងតិច១២ក្រេឌីត។
• ប្រភេទទី ២ ជាកម្មវិធីសិក្សាបែបរៀនមុខវិជ្ជា និងសរសេរនិក្ខេបបទ។

អ្នកសិក្សាក្នុងកម្មវិធីសិក្សាទាំងពីរប្រភេទ ត្រូវបំពេញ ៥៧ក្រេឌីត​ (ក្នុងក្របខ័ណ្ឌ​គុណ​វុឌ្ឍិ​ជាតិ​ ២០១៤ កំណត់ ៥៤ក្រេឌីត)។

២.​ រចនាសម្ព័ន្ធកម្មវិធីសិក្សា

៣. លក្ខខណ្ឌនៃការជ្រើសរើសចូលរៀន

ការដាក់ពាក្យចូលសិក្សាក្នុងកម្មវិធីសិក្សាថ្នាក់បណ្ឌិតអប់រំ ជំនាញគ្រប់គ្រងអប់រំ អ្នកសិក្សាត្រូ​វ​បំពេញ​​​លក្ខខណ្ឌចូលរៀនគ្រប់ចំណុចដែលបាន​កំណត់ដោយគណៈកម្មការគ្រប់គ្រង​កម្មវិធីសិក្សា​ដូច​ខាង​​​ក្រោម៖

    ៣.១. កម្មវិធីសិក្សាប្រភេទទី១

• ត្រូវមានស្នាដៃបោះពុម្ពយ៉ាងតិច ២អត្ថបទ ក្នុងរយៈពេល ៥ឆ្នាំចុងក្រោយ ក្នុងព្រឹត្តិបត្រឬ

ទស្សនាវដ្តីស្រាវជ្រាវ (Peer Review Journals)

• បានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ដោយសរសេរសារណា ពីគ្រឹះស្ថានសិក្សា

ដែល​ទទួលស្គាល់ដោយក្រសួងអប់រំ យុវជន និងកីឡា និងមានពិន្ទុសិក្សា (GPA) មិនតិចជាង៣.០០ នៃប្រព័ន្ធ ៤.០០ ឬមធ្យមភាគសមមូល​ (៧០% ឡើង)

• មានសំណើគម្រោងស្រាវជ្រាវបឋម
• មានបទពិសោធន៍លើការងារស្រាវជ្រាវផ្នែកអប់រំយ៉ាងតិច ២ឆ្នាំ ឬមានបទពិសោធន៍ក្នុង

ការ​ងារអប់រំយ៉ាងតិច ៥ឆ្នាំ

• មានសមត្ថភាពភាសាអង់គ្លេសកំណត់ដោយកម្មវិធី IELTS ពិន្ទុ ៥.០ ឬសមមូល ឬ

ភាសាបារាំងកំណត់កម្រិត DELF ឬTCF B2Test ឬ ជាប់ការប្រឡងរៀបចំដោយវិទ្យាស្ថានជាតិអប់រំ

• មានសមត្ថភាពប្រើប្រាស់បច្ចេកវិទ្យាព័ត៌មានវិទ្យា និង
• មានលក្ខណៈសម្បត្តិផ្សេងៗទៀតដែលកំណត់ដោយគណៈកម្មការគ្រប់គ្រងកម្មវិធីសិក្សា។

    ៣.២. កម្មវិធីសិក្សាប្រភេទទី២

• បានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ដោយសរសេរសារណា ពីគ្រឹះស្ថានសិក្សា

ដែលទទួលស្គាល់ដោយក្រសួងអប់រំ យុវជន និងកីឡា និងមានពិន្ទុសិក្សា (GPA) មិនតិចជាង៣.០០​ នៃប្រព័ន្ធ ៤.០០ ឬមធ្យមភាគសមមូល​ (៧០% ឡើង)

• មានសំណើគម្រោងស្រាវជ្រាវបឋម
• មានសមត្ថភាពភាសាអង់គ្លេសកំណត់ដោយកម្មវិធី IELTS ពិន្ទុ ៥.០ ឬសមមូល ឬ

ភា​សាបារាំងកំណត់កម្រិត DELF ឬTCF B2Test   ឬជាប់ការប្រឡងរៀបចំដោយវិទ្យាស្ថានជាតិអប់រំ

• មានសមត្ថភាពប្រើប្រាស់បច្ចេកវិទ្យាព័ត៌មានវិទ្យា និង
• មានលក្ខណៈសម្បត្តិផ្សេងៗទៀតដែលកំណត់ដោយគណៈកម្មការគ្រប់គ្រងកម្មវិធីសិក្សា។

៤. មុខវិជ្ជាក្នុងកម្មវិធីសិក្សា

    ៤.១. កម្មវិធីសិក្សាប្រភេទទី១

ក. មុខវិជ្ជាបំពេញបន្ថែម                               យ៉ាងតិច                            ១២ ក្រេឌីត

១. ១០១​១០០   ការអប់រំដើម្បីការអភិវឌ្ឍប្រកបដោយចីរភាព                               ៣ (៣-០-៩)

Principle of Education for Sustainable Development

២.​ ១០១១០១​  មូលដ្ឋានគ្រឹះការស្រាវជ្រាវអប់រំ                                                  ៣ (៣-០-៩)

Fundamentals of Educational Research

៣. ១០១២៥១  វិធីសាស្ត្រស្រាវជ្រាវអប់រំកម្រិតខ្ពស់                                           ៣ (៣-០-៩)

Advanced Research Methodology in Education

៤. ១០១ ៣០៥ ការស្រាវជ្រាវផ្នែកគ្រប់គ្រងអប់រំដើម្បីអភិវឌ្ឍប្រទេស                     ៣ (៣-០-៩)

Research in Educational Management for National Development

ខ. ការសរសេរ និងការពារនិក្ខេបបទ                                                         ៤៥ ​ក្រេឌីត

១.​ ១០១៥០០   និក្ខេបបទ ១                                                                               ៣ ក្រេឌីត

២. ១០១៥០១  និក្ខេបបទ ២                                                                              ៣ ក្រេឌីត

៣. ១០១៥០២  និក្ខេបបទ ៣                                                                              ៣ ក្រេឌីត

៤. ១០១៥០៣  និក្ខេបបទ ៤                                                                               ៦ ក្រេឌីត

៥. ១០១៥០៤   និក្ខេបបទ ៥                                                                               ៩ ក្រេឌីត

៦. ១០១៥០៥   និក្ខេបបទ ៦                                                                               ៩ ក្រេឌីត

៧.​ ចុះផ្សាយអត្ថបទស្រាវជ្រាវកម្រិតជាតិ ឬអន្តរជាតិ (២ អត្ថបទ)                             ៦ ក្រេឌីត

៨.​ ធ្វើបទបង្ហាញក្នុងវេទិកាវិទ្យាសាស្ត្រពាក់ព័ន្ធ                                                        ៣ ក្រេឌីត

៩.​  ធ្វើសិក្ខាសាលាផ្ទាល់ខ្លួន                                                                                 ៣ ក្រេឌីត

    ៤.២. កម្មវិធីសិក្សាប្រភេទទី២

ក. មុខវិជ្ជាមូលដ្ឋានគ្រឹះបំពេញបន្ថែម                                                       ៦ ​ក្រេឌីត

១. ១០១​១០០ ការអប់រំដើម្បីការអភិវឌ្ឍប្រកបដោយចីរភាព                              ៣ (៣-០-៩)

Education for Sustainable Development

២. ១០១១០១  ​មូលដ្ឋានគ្រឹះការស្រាវជ្រាវអប់រំ                                                 ៣ (៣-០-៩)

Fundamentals of Educational Research

ខ. មុខវិជ្ជាកម្រិតបណ្ឌិត (រួមនៃឯកទេស)                                                  ៣ ក្រេឌីត

១.​ ១០១២៥១  វិធីសាស្រ្តការស្រាវជ្រាវអប់រំកម្រិតខ្ពស់                                       ៣ (៣-០-៩)

Advanced Research Methodology in Education

២. ១០១២០១  ភាសាអង់គ្លេសម្រាប់អំណានកម្រិតខ្ពស់                                   S/U (៣-០-៩)

Advanced English for Reading                                            (Non-Credit)

៣. ១០១២០២ ភាសាអង់គ្លេសសម្រាប់សំណេរកម្រិតខ្ពស់                                S/U (៣-០-៩)

Advanced English for Writing                                            (Non-Credit)

គ. មុខវិជ្ជាកម្រិតបណ្ឌិត (ស្នូលនៃឯកទេស)                                                ៦ ក្រេឌីត

១.  ១០១ ២០០ ការវិភាគស៊ីជម្រៅលើការងារអប់រំ                                               ៣ (៣-០-៩)

Critical Analysis in Education

២. ១០១៣០១  បញ្ហា​និងនិន្នាការក្នុងផ្នែកគ្រប់គ្រងអប់រំ                                      ៣ (៣-០-៩)

Current Issues and Trends in Educational Management

៣. ១០១​២៥២ តម្រង់ទិសការស្រាវជ្រាវ (សិក្ខាសាលានិក្ខេបបទ)                     S/U (៣-០-៩)

Doctoral Dissertation Seminar                                           (Non-Credit)

ឃ. មុខវិជ្ជាតម្រង់ទិសនិងការប្រឡងទូទៅ                                                  ៩ ក្រេឌីត

សម្រាប់អ្នកសិក្សាដែលជ្រើសរើសឯកទេស គោលនយោបាយអប់រំ

១. ១០១៣០០  ការអភិវឌ្ឍគោលនយោបាយនិងយុទ្ធសាស្រ្តគ្រប់គ្រងអប់រំ              ៣ (៣-០-៩)

Developing Educational Policy and Strategic Management

២. ១០១៣០៥  ការស្រាវជ្រាវផ្នែកគ្រប់គ្រងអប់រំដើម្បីអភិវឌ្ឍប្រទេសជាតិ                      ៣ (៣-០-៩)

Research in Education Management for National Development

៣. ១០១៣០២ ការអភិវឌ្ឍការគ្រប់គ្រងអប់រំដើម្បីសហគមន៍សកល                       ២ (២-០-៦)

Developing Educational Management​ for Global Community

៤. ១០១៣០៣  ការអភិវឌ្ឍបទដ្ឋានអាជីពគ្រប់គ្រងអប់រំ                                        ២ (២-០-៦)

Developing Professional Standards of Educational Management

៥. ១០១៣០៤  ការអភិវឌ្ឍការគ្រប់គ្រងទូទៅ ថវិកា គណនេយ្យនិងផែនការអប់រំ      ៣ (៣-០-៩)

Developing General, Budgeting & Financial Management​&Planning​

៦. ​១០១៣០៦ ស្វ័យសិក្សា        Individual Study                                          ២ (០-០-៦)

សម្រាប់អ្នកសិក្សាដែលជ្រើសរើសឯកទេស ភាពជាអ្នកដឹកនាំក្នុងវិស័យអប់រំ  

១. ០១៣០៧  ភាពជាអ្នកដឹកនាំ និងការគ្រប់គ្រងដើម្បីការផ្លាស់ប្តូរក្នុងវិស័យអប់រំ        ៣ (៣-០-៩)

Leadership and Change Management in Education

២. ១០១៣០៨  ការគ្រប់គ្រងកម្មវិធីសិក្សា Curriculum Management                ៣ (៣-០-៩)

៣. ១០១៣១០  ការគ្រប់គ្រងនវានុវត្តន៍ និងគំនិតច្នៃប្រឌិតផ្នែកអប់រំ                       ២ (២-០-៦)

Management of Innovation​ ​and Creativity in Education

៤. ១០១៣១១  ក្រមសីលធម៌អ្នកដឹកនាំលើវិស័យអប់រំ                                        ៣ (៣-០-៩)

Ethics for Educational Leaders

៥. ១០១៣១២  ការសិក្សាប្រៀបធៀបផ្នែកគ្រប់គ្រងអប់រំ                                      ៣ (៣-០-៩)

Comparative Study in Educational Management

៦. ១០១៣១៣  ការគ្រប់គ្រងធនធានមនុស្សក្នុងវិស័យអប់រំ                                  ៣ (៣-០-៩)

Human Resource Management in Education

៧.​ ១០១៣១៤  ការគ្រប់គ្រងការអប់រំបច្ចេកទេស                                               ៣ (៣-០-៩)

Administration of Vocational and Technical Education

ឃ.​​​ ការសរសេរ និងការពារនិក្ខេបបទ                                                       ៣៣ ​ក្រេឌីត

១.​ ១០១៥២៥ និក្ខេបបទ១                                                                                ៦ ក្រេឌីត

២. ១០១៥២៦ និក្ខេបបទ២                                                                                 ៦ ក្រេឌីត

៣. ១០១៥២៧ និក្ខេបបទ៣                                                                               ៦ ក្រេឌីត

៤.​  ចុះផ្សាយអត្ថបទស្រាវជ្រាវកម្រិតជាតិ ឬអន្តរជាតិ (២អត្ថបទ)                             ៦ ក្រេឌីត

៥.​ ធ្វើបទបង្ហាញក្នុងវេទិកាវិទ្យាសាស្ត្រពាក់ព័ន្ធ                                                        ៣ ក្រេឌីត

៦.​ ធ្វើសិក្ខាសាលាផ្ទាល់ខ្លួន                                                                                  ៣ ក្រេឌីត

ក្រៅពីមុខវិជ្ជាខាងលើនេះ អ្នកសិក្សាអាចចុះឈ្មោះចូលរៀនមុខវិជ្ជាផ្សេងដែលបើកបង្រៀន​ដោយ​វិទ្យា​ស្ថានជាតិអប់រំបាន ដោយមានការឯកភាពពីគ្រូណែនាំ ឬគ្រូទីប្រឹក្សា និងគណៈកម្មការគ្រប់គ្រង​កម្មវិធីសិក្សា។

៥.​ ការប្រឡងវាស់ស្ទង់គុណសម្បត្តិ

១០១៥៥០        ការប្រឡងវាស់ស្ទង់គុណសម្បត្តិ                                        S/U (មិនមានក្រេឌីត)

Qualifying Exam (QE)

ការប្រឡងវាស់ស្ទង់គុណសម្បត្តិ ផ្តោតលើមុខវិជ្ជាកម្រិតបណ្ឌិត ​(មុខវិជ្ជារួម និងស្នូលនៃឯក ទេស) នឹងត្រូវធ្វើឡើងនៅមុនបំណាច់ឆមាសទី១ នៃឆ្នាំទី២ បន្ទាប់ពីអ្នកសិក្សាបានសិក្សាយ៉ាងតិច ១៨ក្រេឌីត។ ក្នុងករណីអ្នកសិក្សាប្រឡងធ្លាក់ការប្រឡងវាស់ស្ទង់គុណសម្បត្តិ អ្នកសិក្សាអាច ដាក់ ពាក្យប្រឡងជាថ្មីរយៈពេល ១ខែ ក្រោយថ្ងៃប្រកាសលទ្ធផល។ បន្ទាប់ពីជាប់ការប្រឡងវាស់ស្ទង់ គុណ សម្បត្តិអ្នកសិក្សា នឹងក្លាយជាបេក្ខជនថ្នាក់បណ្ឌិត (Ph.D Candidate)។ បន្ទាប់ពីនេះ អ្នកសិក្សា អាចស្នើប្រឡងការពារគម្រោងស្រាវជ្រាវបឋម (Proposal)។ ក្រោយពីទទួលបានការអនុម័ត គម្រោងស្រាវជ្រាវពីគណៈកម្មការប្រឡង អ្នកសិក្សាមានពេលវេលាយ៉ាងតិច ២១ ខែសម្រាប់បញ្ចប់ ការងារនិក្ខេបបទរបស់ខ្លួន។

៦. ផែនការដំណើរការកម្មវិធីសិក្សា

    ៦.១. ពេលវេលាដំណើរការកម្មវិធីសិក្សា

កិច្ចដំណើរការកម្មវិធីសិក្សាថ្នាក់បណ្ឌិតផ្នែកគ្រប់គ្រងអប់រំ អាចរៀបចំឡើងជាថ្នាក់ពេញម៉ោង​ និង ក្រៅម៉ោង តាមពេលវេលាដូចខាងក្រោម៖

កម្មវិធីសិក្សាថ្នាក់បណ្ឌិតអប់រំផ្នែកគ្រប់គ្រងអប់រំ ជាកម្មវិធីដែលដំណើរការបង្រៀន ២ឆមាសក្នុង

​​មួយឆ្នាំសិក្សា។ ក្នុង១ឆមាស មានរយៈពេលយ៉ាងតិច១៥សប្តាហ៍ ដោយកំណត់កាលបរិច្ឆេទសិក្សា​ដូចខាងក្រោម៖

• ឆមាសទី១៖ វិច្ឆិកា-កុម្ភៈ (អាចផ្លាស់ប្តូរតាមភាពជាក់ស្តែង)
• ឆមាសទី២៖ មិនា-កក្កដា (អាចផ្លាស់ប្តូរតាមភាពជាក់ស្តែង)
• វិស្សមកាលធំ៖ សីហា-តុលា (អាចផ្លាស់ប្តូរតាមភាពជាក់ស្តែង)

៦.២ ការចុះឈ្មោះរៀនក្នុងឆមាស

កម្មវិធីសិក្សាប្រភេទទី១

កម្មវិធីសិក្សាប្រភេទទី២

ឯកទេស៖ គោលនយោបាយអប់រំ

កម្មវិធីសិក្សាប្រភេទទី២

ឯកទេស៖ ភាពជាអ្នកដឹកនាំក្នុងវិស័យអប់រំ

ជំពូកទី៣៖
សាស្រ្តាចារ្យ គម្រោងស្រាវជ្រាវសរសេរនិក្ខេបបទ និងការវាយតម្លៃ

១. សាស្រ្តាចារ្យបង្រៀនមុខវិជ្ជា

សាស្រ្តាចារ្យដែលត្រូវបង្រៀនថ្នាក់បណ្ឌិតអប់រំជំនាញគ្រប់គ្រងអប់រំត្រូវមានលក្ខណៈសម្បត្តិដូចខាងក្រោម៖

• មានសញ្ញាបត្របណ្ឌិតលើជំនាញគ្រប់គ្រងអប់រំឬជំនាញសមស្រប ឬបទពិសោធន៍​គ្រប់​គ្រាន់​ពាក់ព័ន្ធនឹងមុខវិជ្ជាដែលខ្លួនទទួលបន្ទុកបង្រៀន ហើយមានការទទួលស្គាល់ពីក្រសួងអប់រំ យុវជន និងកីឡា
• មានសមត្ថភាពក្នុងការប្រើប្រាស់ភាសាបរទេស និងបច្ចេកវិទ្យាព័ត៌មាន
• មានចរិយាសម្បត្តិ​ សីលធម៌ មនសិការវិជ្ជាជីវៈ និងមានភាពជាគ្រូបង្រៀន។

២.​ សាស្ត្រាចារ្យណែនាំគោល និងរង

សាស្ត្រាចារ្យណែនាំត្រូវមានលក្ខណៈសម្បត្តិដូចខាងក្រោម៖

• មានសញ្ញាបត្របណ្ឌិត និងមានបទពិសោធន៍ការងារស្រាវជ្រាវយ៉ាងតិច ៣ឆ្នាំ
• មានស្នាដៃ និងកិត្តិនាមក្នុងការចុះផ្សាយអត្ថបទស្រាវជ្រាវវិទ្យាសាស្ត្រជាតិ និងអន្តរជាតិ
• មានស្មារតីទទួលខុសត្រូវក្នុងការណែនាំការស្រាវជ្រាវវិទ្យាសាស្ត្រ
• មានសមត្ថភាពក្នុងការប្រើប្រាស់ភាសាបរទេស និងបច្ចេកវិទ្យាព័ត៌មាន
• មានចរិយាសម្បត្តិ​ សីលធម៌ មនសិការវិជ្ជាជីវៈ និងមានភាពជាគ្រូបង្រៀន។

៣. ការស្នើគម្រោងស្រាវជ្រាវសរសេរនិក្ខេបបទ

កម្មវិធីសិក្សាថ្នាក់បណ្ឌិតអប់រំ ជំនាញគ្រប់គ្រងអប់រំតម្រូវឱ្យអ្នកសិក្សា​ដែលចុះឈ្មោះ​រៀន​ក្នុង​កម្ម​វិធី​ទាំងប្រភេទទី១ និង ប្រភេទទី២ សរសេរនិក្ខេបបទ ដើម្បីបញ្ចប់ការសិក្សា​ដោយផ្អែកលើ​លក្ខ​ខណ្ឌ​​កំ​ណត់ដោយកម្មវិធីសិក្សានៃវិទ្យាស្ថានជាតិអប់រំ។

    ៣.១.​ លក្ខណៈសម្បត្តិសម្រាប់ការស្រាវជ្រាវសរសេរនិក្ខេបបទ

ដើម្បីស្នើគម្រោងស្រាវជ្រាវសរសេរនិក្ខេបបទបាន អ្នកសិក្សាត្រូវមាន​លក្ខណៈ​សម្បត្តិ​ដូចខាង​ក្រោម៖

• មានចំណេះដឹងស៊ីជម្រៅលើផ្នែកគ្រប់គ្រងអប់រំ
• មានវិធីសាស្ត្រធ្វើការងារស្រាវជ្រាវបានយ៉ាងល្អ
• មានសីលធម៌វិជ្ជាជីវៈក្នុងការងារស្រាវជ្រាវ
• មានសមត្ថភាពគិត វិភាគ​និងដោះស្រាយបញ្ហាដែលកើតឡើងក្នុងការងារស្រាវជ្រាវប្រ​កប​ដោយភាពឯករាជ្យ
• មានសមត្ថភាពក្នុងការប្រើប្រាស់បច្ចេកវិទ្យា ភាសាជាតិ និងភាសារអន្តរជាតិដើម្បីស្វែងរក​ព័ត៌មានសម្រាប់គាំទ្រការងារស្រាវជ្រាវ
• មានសុខភាពល្អ អាចបំពេញការងារបានប្រកបដោយប្រសិទ្ធភាពក្នុងអំឡុងពេលធ្វើ​ការងារ​ស្រាវ​ជ្រាវសរសេរនិក្ខេបបទ។

    ៣.២.​ រយៈពេល

• អ្នកសិក្សាចុះឈ្មោះរៀនក្នុងកម្មវិធីសិក្សាទាំង២ប្រភេទ ត្រូវស្នើគម្រោងស្រាវជ្រាវសរសេរ ​និក្ខេ​បបទយ៉ាងយូរមុនដំណាច់ឆ្នាំសិក្សាទី២។
• គម្រោងស្រាវជ្រាវសរសេរនិក្ខេបបទ ត្រូវទទួលបានការអនុម័តពីគណៈកម្មការយ៉ាងយូរ​បំផុត​មិនឱ្យលើសឆមាសទី ២ឆ្នាំទី ៣។

    ៣.៣. ចំនួនក្រេឌីតការងារស្រាវជ្រាវ (សរសេរនិក្ខេបបទ)

• កម្មវិធីសិក្សាប្រភេទទី១ មានចំនួន ៣៣ ក្រេឌីត
• កម្មវិធីសិក្សាប្រភេទទី២ មានចំនួន ២១ ក្រេឌីត

    ៣.៤. ការត្រៀម

ដើម្បីឱ្យកិច្ចដំណើរការអនុវត្តកម្មវិធីសិក្សាថ្នាក់បណ្ឌិតអប់រំ ជំនាញគ្រប់គ្រងអប់រំ​ទទួលបាន​      លទ្ធ​ផល​ល្អប្រសើរ គណៈកម្មការគ្រប់គ្រងកម្មវិធីសិក្សាត្រូវត្រៀមលក្ខណៈដូចខាងក្រោម៖

• តែងតាំង ឬចាត់តាំងសាស្ត្រាចារ្យណែនាំគោល និងរង​ សម្រាប់ដឹកនាំអ្នកសិក្សាស្រាវជ្រាវ​សរ​សេរ​និក្ខេបបទ
• ក្នុងឆមាសនីមួយៗ អ្នកសិក្សាត្រូវចុះឈ្មោះចូលរៀនមុខវិជ្ជាសិក្ខាសាលានិក្ខេបបទថ្នាក់​បណ្ឌិត​។ លក្ខខណ្ឌនៃកម្មវិធីសិក្សាតម្រូវឱ្យនិស្សិតស្នើគម្រោងស្រាវជ្រាវសរសេរនិក្ខេបបទ និងរាយការណ៍អំពីវឌ្ឍនភាពការស្រាវជ្រាវជារៀងរាល់ឆមាសដើម្បីពិនិត្យតាមដានការធ្វើការងាររបស់អ្នកសិក្សា និងដើម្បីធានាបានអ្នកសិក្សាអាច​បញ្ចប់ការសិក្សាតាម​កាលបរិច្ឆេទ​សិក្សា​បានកំណត់។

៤. ការវាយតម្លៃការសិក្សា

ការវាយតម្លៃកាសិក្សាទូទៅ និងការប្រឡងការពារនិក្ខេបបទ ត្រូវអនុវត្តតាមលក្ខខណ្ឌរបស់​វិទ្យា​ស្ថានជាតិអប់រំដែលបានកំណត់ ដោយផ្អែកលើសេចក្តីណែនាំចុះថ្ងៃទី៣១ ខែធ្នូ ឆ្នាំ២០១០ ​​របស់​ក្រសួង​​អប់រំ​ យុវជន និងកីឡា។

៥. ចំណាត់ថ្នាក់ពិន្ទុ

កំណត់សម្គាល់៖ អ្នកសិក្សាត្រូវមានមធ្យមភាគពិន្ទុមិនទាបជាង៣.០០ ​ឬនិទ្ទេសB។

៦. លទ្ធផលនៃការសិក្សា វិធីសាស្ត្របង្រៀន និងវិធីសាស្ត្រវាយតម្លៃ

៧.​ ផែនទីបង្ហាញលទ្ធផលការសិក្សា ក្នុងមុខវិជ្ជានៃកម្មវិធីសិក្សា

ជំពូកទី៤៖
ពណ៌នាមុខវិជ្ជា

១០១​១០០      ការអប់រំដើម្បីការអភិវឌ្ឍប្រកបចីរភាព     ៣ (៣-០-៩)

Education for Sustainable development                                  

មុខវិជ្ជានេះសិក្សាពីទស្សនាទាន​ គោលការណ៍​ និងការអនុវត្តការអភិវឌ្ឍ​ដោយចីរភាព​ក្នុងការ​រៀ​ន​និង​ការ​បង្រៀន តួនាទីនៃការអប់រំសម្រាប់ដោះស្រាយបញ្ហា ដោយផ្អែកលើសសរស្តម្ភ នៃ ការអភិវឌ្ឍដោយចីរភាពដូចជា​បរិស្ថាន​​ សង្គម​​ និងសេដ្ឋកិច្ច​ជាដើម ​ ព្រមទាំងការអប់រំគោល​ការណ៍និងយុទ្ធសាស្ត្រអប់រំ ប្រកបដោយគុណភាព​ ការអប់រំបរិយាបន្ន​ ការអប់រំ ប្រកបដោយ​សមធម៌​ និងការសិក្សាពេញមួយជីវិត​។

១០១១០១      មូលដ្ឋានគ្រឹះការស្រាវជ្រាវអប់រំ       ៣ (៣-០-៩)

Fundamentals of Educational Research

មុខវិជ្ជានេះសិក្សាពីធម្មជាតិ និងប្រភេទ (Nature and Types) នៃការស្រាវជ្រាវអប់រំ ដំ​ណើរ​ការនៃ​ការ ស្រាវ​ជ្រាវ​អប់រំ​ ការរំលឹកទ្រឹស្តីនិងការកំណត់បញ្ហានៃការស្រាវជ្រាវអប់រំ ការ​បង្កើត​សម្មតិកម្ម​ ការកំណត់ អថេរ​និងដែន​កំណត់​នៃការស្រាវជ្រាវ លំហសំណាក (Population) និងសំណាកនៃ ការស្រាវ ជ្រាវ (Sample)។  ​

១០១៣១២     ការសិក្សាប្រៀបធៀបផ្នែកគ្រប់គ្រងអប់រំ        ៣ (៣-០-៩)

Comparative Study in Educational Management

ការសិក្សាប្រៀបធៀបពីគោលនយោបាយ ផែនការយុទ្ធសាស្រ្ត ប្រព័ន្ធគ្រប់គ្រងអប់រំ និង​ការ​គ្រប់គ្រង​គ្រឹះ ស្ថាន​អប់រំ​នានា ដូចជា នវានុវត្តន៍នៃការគ្រប់គ្រងអប់រំ ការគ្រប់គ្រងធនធាន​មនុស្ស និងហិរញ្ញវត្ថុ ក្នុង វិស័យអប់រំ នៅ​ថ្នាក់​ជាតិ តំបន់ និងសាកលលោក​ ដើម្បីឆ្លុះបញ្ចំាង​ពីកិច្ចដំណើរការគ្រប់គ្រងវិស័យអប់រំ និងកែលម្អ បង្កើត​ផែន​ការ​យុទ្ធសាស្រ្តវិស័យអប់រំ យន្តការពិនិត្យតាមដាន និងវាយតម្លៃសម្រាប់ការអនុ វត្ត និងអភិវឌ្ឍន៍​ការងារ​គ្រប់​គ្រង​អប់រំឱ្យមានគុណភាព និងប្រសិទ្ធភាព​ខ្ពស់។

១០៣១៣       ការគ្រប់គ្រងធនធានមនុស្សក្នុងវិស័យអប់រំ       ៣ (៣-០-៩)

Human Resource Management in Education​

មុខវិជ្ជានេះសិក្សាពីទ្រឹស្តី ទម្រង់ យុទ្ធសាស្រ្តកំណែទម្រង់ និងប្រព័ន្ធគ្រប់គ្រងធនធានមនុស្ស ក្នុងស្ថាប័ន ឬអង្គ​ភាព​​អប់រំ ដោយពិនិត្យលើមុខងារសំខាន់ៗ​ដែលត្រូវបានអនុវត្ត​ក្នុង​ការងារ​អប់​រំ​ ដូចជា៖ ការ ប្រើ ប្រាស់អភិបាល​កិច្ច​ល្អ ការគ្រប់គ្រង និងបែងចែកធនធានមនុស្ស គំនិត​ច្នៃប្រឌិត គុណធម៌ និងមនសិ ការវិជ្ជាជីវៈក្នុងការ​តែង​តាំង  ការជ្រើសរើស  ការបណ្តុះបណ្តាល និង​ការវាយតម្លៃ ។

១០១២០០     ការវិភាគស៊ីជម្រៅលើការអប់រំ        ៣ (៣-០-៩)

Critical Analysis in Education

មុខវិជ្ជានេះសិក្សាពីទម្រង់​​ របៀប ដំណើរនៃការវិភាគត្រិះរិះ​​​ពិចារណាស៊ីជម្រៅ​ ការគិតបែប គ្រប់ជ្រុង ជ្រោយ ការ​វិភាគ​បែបសំយោគ​​ ការគិតបែបសមហេតុសមផល​ ការគិតជាប្រព័ន្ធ ការគិតបែបនវានុវត្ត​ ការ វិភាគលើ​ទស្សនា​ទាន​និងបញ្ហាប្រឈមក្នុងវិស័យអប់រំ ដើម្បីស្វែងរក​ជម្រើស​​និង​មធ្យោបាយថ្មី​ៗ សម្រាប់ កែលម្អការអប់រំឱ្យ​កាន់តែ​ប្រសើរសមស្របតាម​តម្រូវ​ការនៃស្ថានភាពជាក់ស្តែង​និងការវិវឌ្ឍ របស់សង្គម នាពេលបច្ចុប្បន្ននិងអនាគត។

​១០១២៥១     វិធីសាស្រ្តការស្រាវជ្រាវអប់រំកម្រិតខ្ពស់      ៣ (៣-០-៩)

Advanced Research Methodology in Education

មុខវិជ្ជានេះសិក្សាស៊ីជម្រៅពីការកំណត់ទម្រង់ស្រាវជ្រាវអប់រំ ការជ្រើសរើសសំណាក ការ​បង្កើត​និង​ត្រួត ពិនិត្យ​គុណ​ភាពឧបករណ៍ស្រាវជ្រាវ ការជ្រើសរើសស្ថិតិ​យកមកប្រើ​ឲ្យស្រប​តាម​សំនួរស្រាវជ្រាវ ការបក ស្រាយ​ទិន្ន​ន័យ ការសន្និដ្ឋាន និងការផ្តល់អនុសាសន៍ ព្រមទាំង​ការ​សរសេរនិក្ខេបបទ។

១០១៣០០     ការអភិវឌ្ឍគោលនយោបាយនិងយុទ្ធសាស្រ្តគ្រប់គ្រងអប់រំ      ៣ (៣-០-៩)

Developing Educational Policy and Strategic Management

មុខវិជ្ជានេះសិក្សាពីគោលការណ៍ ទស្សនាទាន និងទ្រឹស្តីនៃការអភិវឌ្ឍគោលនយោបាយ និង​យុទ្ធសាស្រ្ត គ្រប់​គ្រង​អប់រំស្របតាមបរិបទអប់រំឌីជីថលរបស់ប្រទេស តំបន់ និងសាកលលោក វិធី​សាស្រ្តនាំយក​គោល​នយោ​បាយ​​ និងយុទ្ធសាស្រ្តគ្រប់គ្រងអប់រំទៅអនុវត្ត និងការវាយតម្លៃ​លទ្ធផលនៃ​ការអនុវត្តគោល​នយោបាយ​និង​យុទ្ធ​សាស្រ្ត​គ្រប់គ្រងអប់រំ។ ​

១០១៣០៧     ភាពជាអ្នកដឹកនាំ និងការគ្រប់គ្រងដើម្បីការផ្លាស់ប្តូរក្នុងវិស័យអប់រំ     ៣ (៣-០-៩)

Leadership and Change Management in Education

មុខវិជ្ជានេះសិក្សាពីលក្ខណៈសម្បត្តិ គោលការណ៍ គោលនយោបាយ ទស្សនាទាន និងទ្រឹស្តី នៃ​​ការគ្រប់ គ្រង និង​​ភាព​ជាអ្នកដឹកនាំក្នុងវិស័យអប់រំ ដូចជាភាពជាអ្នកដឹកនាំបែបយុទ្ធសាស្រ្ត (Strategic Leaders) ភាពជា​អ្នក​ដឹកនាំដើម្បីការផ្លាស់ប្តូរជាវិជ្ជមាន កាគ្រប់គ្រងការផ្លាស់ប្តូរ (Change Management) ការគ្រប់គ្រងទំនាស់ ការ​គ្រប់គ្រងហានិភ័យ ទស្សនវិស័យ គុណ​ធម៌​ចរិយាធម៌ គំនិតថ្មី ពាក់ព័ន្ធនឹងភាពជាអ្នកដឹកនាំលើវិស័យអប់រំ។

១០១៣០៥     ការស្រាវជ្រាវផ្នែកគ្រប់គ្រងអប់រំដើម្បីការអភិវឌ្ឍប្រទេស      ៣ (៣-០-៩)

Research in Education Management for National Development

មុខវិជ្ជានេះសិក្សាពីមូលដ្ឋានគ្រឹះ គោលការណ៍ ទស្សនាទាន និងទ្រឹស្តីនៃ​ការស្រាវ​ជ្រាវការ​គ្រប់​គ្រងអប់រំ ដោយ​ផ្តោត​សំខាន់លើវិធីសាស្រ្តស្រាវជ្រាវចម្រុះ ការអនុវត្តនិង​ការអភិវឌ្ឍ​ការងារ​អប់រំ គោលការណ៍នៃ ការ​អភិវឌ្ឍ​ប្រទេសជានិរន្តរ៍ និងប្រភពនៃបញ្ហាប្រឈមនានា ដោយសំយោគលទ្ធផលស្រាវជ្រាវ ដើម្បី ដោះស្រាយបញ្ហា និងការអភិវឌ្ឍការងារ​អប់រំ​និងប្រទេសជាតិប្រកបដោយភាពប៉ិនប្រសប់ និងច្នៃប្រឌិត ។

១០១២៥០     សិ្ថតិអនុវត្តសម្រាប់ការស្រាវជ្រាវអប់រំ       ៣ (៣-០-៩)

Applied Statistics for Educational Research

មុខវិជ្ជានេះសិក្សាពីស្ថិតិព័ណ៌នាដូចជាអថេរ ​(Variables) រង្វាស់តម្លៃកណ្តាល (Cental Tendency) រង្វាស់​ពង្រាយ (Dispersion) ក្រាហ្វិក និងស្ថិតិសនិ្នដ្ឋានដូចជាZ-TEST,       T-TEST, F-TEST, ANOVA, CORRELATION និង REGRESSION ​។

១០១ ៣០១    បញ្ហា​និងនិន្នការក្នុងផ្នែកគ្រប់គ្រងអប់រំ     ៣ (៣-០-៩)

Current Issues and Trends in Educational Management

មុខវិជ្ជានេះសិក្សាពី ទិដ្ឋភាពទូទៅ និងទំនោរការគ្រប់គ្រងអប់រំនាពេលបច្ចុប្បន្ន ដូចជា      វឌ្ឍនភាព បញ្ហាប្រឈម និងដំណោះស្រាយ ព្រមទាំងទ្រឹស្ដីជាមូលដ្ឋាន​នៃការគ្រប់​គ្រង​ការងារអប់រំ ការគ្រប់ គ្រង ការ បង្រៀន និងរៀន ការគ្រប់គ្រងបុគ្គលិក និងការគ្រប់គ្រង       ថវិកា។

១០១៣០៨     ការគ្រប់គ្រងកម្មវិធីសិក្សា     ៣ (៣-០-៩)

Curriculum Management

មុខវិជ្ជានេះសិក្សាពីការគ្រប់គ្រងកម្មវិធីបង្រៀននិងរៀន  ការគ្រប់គ្រងនិង​ការលើក​កម្ពស់​ការអនុវត្តកម្ម វិធី សិក្សារបស់បុគ្គលិកអប់រំ ការគ្រប់គ្រងលើការពង្រឹងគុណភាពកម្មវិធីសិក្សា សិក្សាពីកត្តាផ្សេងៗ ដែលពាក់ព័ន្ធ នឹងការគ្រប់គ្រងកម្មវិធីសិក្សា។

១០១៣១០     ការគ្រប់គ្រងនវានុវត្តន៍ និងគំនិតច្នៃប្រឌិតផ្នែកអប់រំ      ២ (២-០-៦)

 Management of Innovation​ ​and Creativity in Education

មុខវិជ្ជានេះសិក្សាពីការគ្រប់គ្រងការប្រើប្រាស់បច្ចេកវិទ្យាក្នុងការអប់រំ ការគ្រប់គ្រង​លើការងារអប់រំឌីជី ថល (Digital Education) ការគ្រប់គ្រងលើការច្នៃប្រឌិតការងារអប់រំ និង​ការគ្រប់ គ្រងលើ បរិយាកាស ការអប់រំ ជាក់ស្តែង។

១០១៣០២     ការគ្រប់គ្រងអប់រំដើម្បីសហគមន៍សកល     ២ (២-០-៦)

Educational Management for Global Community

មុខវិជ្ជានេះសិក្សាពីបរិបទសាកលលើការគ្រប់គ្រងការអប់រំ ព្រមទាំងនិរន្តរ​ភាពនៃ​ការគ្រប់​គ្រងអប់រំ ការ លើកកម្ពស់ការយល់ដឹងលើការអប់រំសាកល និងការគ្រប់គ្រងការអប់រំដើម្បី បណ្តុះបណ្តាលធនធាន មនុស្សក្លាយជាពលរដ្ឋសាកល។

១០១៣០៣    ការអភិវឌ្ឍបទដ្ឋាន(ស្តង់ដា)អាជីពគ្រប់គ្រងអប់រំ        ​២ (២-០-៦)

Developing Professional Standards of Educational Management

មុខវិជ្ជានេះសិក្សាពីគោលការណ៍គ្រប់គ្រងកិច្ចការអប់រំ កម្រងភារកិច្ចនិងការទទួលខុសត្រូវ និងចរិត ឬឥរិយា បថគ្រប់គ្រង កត្តាដែលធ្វើឱ្យការគ្រប់គ្រងការងារអប់រំមានប្រសិទ្ធភាពខ្ពស់ និងការស្រាវជ្រាវ រៀបចំស្តង់ដា សមត្ថភាពវិជ្ជាជីវៈអ្នកគ្រប់គ្រងអប់រំ​ស្របតាមការ​វិវត្ត​របស់​ប្រទេសក្នុងតំបន់ និង សកល លោក។

១០១៣០៤     ការអភិវឌ្ឍការគ្រប់គ្រងទូទៅ ថវិកា និងគណនេយ្យផ្នែកអប់រំ          ​៣ (៣-០-៩)

Developing General, Budgeting and Financial Management in Education

មុខវិជ្ជានេះសិក្សាពីម៉ាក្រូសេដ្ឋកិច្ច ច្បាប់ថវិកា និតិវិធីហិរញ្ញវត្ថុ និងនវានុវត្តន៍ក្នុង​ការគ្រប់គ្រង​ទូ​ទៅ និងហិរញ្ញវត្ថុ ការវិភាគការអនុវត្តថវិកា ការគ្រប់គ្រងទូទៅ និងផលប៉ះពាល់នៅ​តាម​    អង្គ​ភាព​​ថ្នាក់ជាតិ និងថ្នាក់ក្រោមជាតិ ការស្វែងរកបញ្ហាប្រឈម និងការគន្លឹះដើម្បី​កសាង​វិធី​សាស្រ្ត (Sophisticate Approach Based Education Budgets/ Performance-Based Budget)និងឧបករណ៍ វាយតម្លៃ សម្រាប់កែលម្អការងារគ្រប់គ្រងទូទៅ និង គ្រប់គ្រង    ហិរញ្ញ​វត្ថុ​​ក្នុងវិស័យអប់រំ។

១០១៣១១     ក្រមសីលធម៌អ្នកដឹកនាំលើវិស័យអប់រំ     ៣ (៣-០-៩)

Ethics for Educational Leaders

មុខវិជ្ជានេះសិក្សាពីការវិភាគបែបសំយោគ គុណតម្លៃនិងសារៈសំខាន់របស់គុណធម៌ ចរិយា​ធម៌ នៅក្នុង ការគ្រប់ គ្រងអប់រំ ធាតុផ្សំនៃក្រមសីលធម៌សំខានៗ​សម្រាប់អ្នកគ្រប់​គ្រងអប់រំ ដើម្បី​ឲ្យ​ក្លាយជាគំរួ ដល់សង្គម និងការ សម្រេចចិត្តរបស់អ្នកដឹកនាំដោយ​ផ្សារភ្ជាប់ភាព​ជាអ្នក​ដឹកនាំជាមួយក្រមសីលធម៌។

១០១៣១៤     ការគ្រប់គ្រងការអប់រំបច្ចេកទេស         ៣ (៣-០-៩)

Administration of Vocational and Technical Education

មុខវិជ្ជានេះសិក្សាពី គោលការណ៍ ទស្សនាទាន ទ្រឹស្តី បញ្ហា និងនិន្នាការនៃការគ្រប់គ្រង និង​កា​រអភិវឌ្ឍ​កម្មវិធី​សិក្សា​ការអប់រំបច្ចេកទេស ព្រមទាំងសិក្សាវិភាគពីទំនាក់ទំនង​រវាងការ       បណ្តុះ​បណ្តាល​ធនធាន​មនុស្សជា​មួយ​តម្រូវ​ការទីផ្សារការងារ និងការអភិវឌ្ឍសេដ្ឋកិច្ច​ក្នុង​យុគ​សម័យ​បដិវត្តន៍ឧស្សាហកម្ម ៤.០។

១០១៥០០     និក្ខេបបទ១ ប្រភេទ១              Dissertation 1, Type 1                    ៣ ក្រេឌីត

ជំហានដំបូងនៃការងារស្រាវជ្រាវដោយសិក្សាលើការរំលឹកទ្រឹស្តីទាក់ទងនឹងការគ្រប់គ្រងអប់រំ ការកំណត់ ប្រធាន​បទ​នៃការងារស្រាវជ្រាវ ក្របខ័ណ្ឌនៃការងារស្រាវជ្រាវ ( Conceptual Framework and Conceptual Innovation)។

១០១៥០១     និក្ខេបបទ២ ប្រភេទ១             Dissertation 2, Type 1                    ៣ ក្រេឌីត

ការស្នើសេចក្តីព្រាងនៃគម្រោងស្រាវជ្រាវបឋមជូនគណៈកម្មការត្រួតពិនិត្យ និងកែលម្អ តាមការណែនាំ​របស់​​គណៈកម្មការ។

១០១៥០២     និក្ខេបបទ៣ ប្រភេទ១             Dissertation 3, Type 1                    ៣ ក្រេឌីត

ការស្នើការពារគម្រោងស្រាវជ្រាវ​( Submit draft of the proposal, present the research proposal to the committee members)

១០១៥០៣     និក្ខេបបទ៤ ប្រភេទ១             Dissertation 4, Type 1                    ៦ ក្រេឌីត

ដំណើរការកសាងឧបករណ៍ប្រមូលទិន្នន័យ ការវាយតម្លៃសុពលភាពពីអ្នកជំនាញ​( Validity Check) និងការធ្វើតេស្តសាកល្បងឧបករណ៍ប្រមូលទិន្នន័យ (Reliability Check)​។

១០១៥០៤     និក្ខេបបទ៥ ប្រភេទ១              Dissertation 5, Type 1                    ៩ ក្រេឌីត

ការប្រមូលទិន្នន័យ(Data Collection) ការបញ្ចូលទិន្នន័យ(Data Entry) ការដំណើការ សម្អាត ទិន្នន័យ(Data Processing and Cleaning) ការវិភាគទិន្នន័យ (Data Analysis) និងការបក ស្រាយទិន្នន័យ (Data Interpretation)

១០១៥០៥     និក្ខេបបទ៦ ប្រភេទទី១           Dissertation 6, Type 1                    ៩ ក្រេឌីត

ការសរសេររបាយការណ៍ការស្រាវជ្រាវ(និក្ខេបបទ) ស្នើប្រឡងការពារនិក្ខេបបទផ្ទាល់មាត់​ និងបោះពុម្ព។

១០១៥២៥     និក្ខេបបទ១ ប្រភេទទី២           Dissertation 1, Type 2                    ៦ ក្រេឌីត

ជំហានដំបូងនៃការងារស្រាវជ្រាវដោយសិក្សាលើការរំលឹកទ្រឹស្តីទាក់ទងនឹងការគ្រប់គ្រងអប់រំ ការកំណត់ប្រធាន​បទ​នៃការងារស្រាវជ្រាវ ក្របខ័ណ្ឌ នៃការងារស្រាវជ្រាវ ( Conceptual Framework and Conceptual Innova​tion)។ ស្នើសេចក្តីព្រាងនៃគម្រោង​ស្រាវជ្រាវ​បឋម​ជូន​គណៈកម្មការត្រួតពិនិត្យ និងកែលម្អតាមការណែនាំរបស់គណៈកម្មការ និងស្នើការពារ​គម្រោង​ស្រាវជ្រាវ។

១០១៥២៦     និក្ខេបបទ២ ប្រភេទទី២           Dissertation 2, Type 2                    ៦ ក្រេឌីត

ការប្រមូលទិន្នន័យ(Data Collection) ការបញ្ចូលទិន្នន័យ(Data Entry) ការដំណើការ​សម្អាត​ទិន្នន័យ(Data Processing and Cleaning) ការវិភាគទិន្នន័យ (Data Analysis) និង​ការបក ស្រាយទិន្នន័យ (Data Interpretation)

១០១៥២៧     និក្ខេបបទ៣ ប្រភេទទី២           Dissertation 3, Type 3                    ៦ ក្រេឌីត

ការសរសេររបាយការណ៍ការស្រាវជ្រាវ(និក្ខេបបទ) ស្នើប្រឡងការពារនិក្ខេបបទផ្ទាល់មាត់​ និងបោះ ពុម្ព។

២៨.​  ការចុះផ្សាយអត្ថបទស្រាវជ្រាវកម្រិតជាតិ ឬអន្តរជាតិ                                         ៦ ក្រេឌីត

ចុះផ្សាយអត្ថបទស្រាវជ្រាវចំនួន២អត្ថបទក្នុងទស្សនាវដ្តីវិទ្យាសាស្ត្រកម្រិតជាតិ និងអន្តរជាតិដែលមាន បណ្ណាធិការ និងអ្នកត្រួតពិនិត្យឯករាជ្យថ្នាក់ជាតិ ឬអន្តរជាតិ។

២៩.​ ការធ្វើបទបង្ហាញអត្ថបទស្រាវជ្រាវក្នុងវេទិកាវិទ្យាសាស្ត្រពាក់ព័ន្ធ                                       ៣ ក្រេឌីត

ធ្វើបទបង្ហាញអត្ថបទស្រាវជ្រាវដែលត្រូវចុះផ្សាយក្នុងទស្សនាវដ្តីវិទ្យាសាស្ត្រ នៅក្នុងវេទិកាវិទ្យាសាស្ត្រ ជាតិ និង អន្តរជាតិដែលមានលក្ខណៈ Conference Proceedings ចំនួនយ៉ាងតិច ០១ដង។

៣០.​  ការធ្វើសិក្ខាសាលាផ្ទាល់ខ្លួន                                                                              ៣ ក្រេឌីត

ការធ្វើសិក្ខាសាលាផ្ទាល់ខ្លួន គឺជាការឡើងធ្វើបទបង្ហាញនូវលទ្ធផល និងចំណេះដឹងដែលបានមកពីការ ស្រាវ ជ្រាវរបស់ខ្លួនដែលត្រូវធ្វើចំនួន២ដង ដើម្បីស្វែងរកភាពចន្លោះប្រហោង និងចំណុចខ្សោយរបស់និក្ខេបបទ តាមរយៈការរិះគន់ សំណួរ និងការបកស្រាយ និងអនុសាសន៍ពីក្រុមអ្នកជំនាញពាក់ព័ន្ធ សំដៅធ្វើឱ្យនិក្ខេបបទកាន់ តែមានភាពសុក្រិត និងឆ្ពោះទៅរកការបញ្ចប់ដោយជោគជ័យ។ សិក្ខាសាលានីមួយៗ ត្រូវរៀបចំដោយ គណៈកម្មការគ្រប់គ្រងកម្មវិធីសិក្សា។

ឯកសារយោង៖

• យុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាល នីតិកាលទី៦ នៃរដ្ឋសភា ខែកញ្ញា ឆ្នាំ២០១៨។
• ក្របខ័ណ្ឌគុណវុឌ្ឍិជាតិកម្ពុជា ខែមីនា ឆ្នាំ២០១៤។
• សេចក្តីណែនាំលម្អិតស្តីពីការបណ្តុះបណ្តាលថ្នាក់បណ្ឌិត ឆ្នាំ២០១២។
• ក្របខ័ណ្ឌកម្មវិធីសិក្សាថ្នាក់បណ្ឌិតអប់រំ ជំនាញកម្មវិធីសិក្សានិងវិធីសាស្ត្របង្រៀនសាកលវិទ្យា​ល័យ​ជូឡាឡុងកន ឆ្នាំ២០១៨។

ឧបសម្ព័ន្ធ១៖ អត្ថន័យលេខកូដមុខវិជ្ជា

លេខកូដសម្រាប់ក្រុមមុខវិជ្ជា

លេខកូដដេប៉ាតឺម៉ង់ និងជំនាញ