សីលធម៌ពលរដ្ឋ ឯកទេសទី១
កម្មវិធីសិក្សាមុខវិទ្យា ៖ សីលធម៌-ពលរដ្ឋវិជ្ជា
ឯកទេសទី ១
ចំនួនម៉ោងបង្រៀនក្នុងមួយសប្តាហ៍ ០៦ ម៉ោង
ចំនួនម៉ោងបង្រៀន ក្នុងមួយឆ្នាំសិក្សា ២០៤ ម៉
វត្ថុបំណង ៖
ក្រោយពីគរុនិស្សិតបានបញ្ចប់ប្រធានបទទាំងប៉ុន្មានខាងក្រោមនេះពួកគេអាច៖
១. ចំណេះដឹង
- សុជីវធម៌ក្នុងការរស់នៅល្អ ចេះដោះស្រាយបញ្ហានៅក្នុងគ្រួសារ និងសហគមន៍ចេះថែ ទាំសុខភាពផ្លូវចិត្ត បញ្ហានិងចូលរួមថែរក្សាវប្បធម៌ អរិយធម៌ អត្តសញ្ញាណជាតិ ព្រមទាំងមានចំណេះដឹងអំពី សិទ្ធិមនុស្ស ច្បាប់សំខាន់ៗរបស់ប្រទេស។
- ដើម្បីសំរេចវត្ថុបំណងរួមនៃការអប់រំលើមុខវិជ្ជាសីលធម៌ពលរដ្ឋវិជ្ជាសំរាប់គរុនិស្សិតនិងដើម្បីអប់រំប្អូនៗនៅវិទ្យាល័យឲ្យទទួលបានចំណេះដឹងទូលំទូលាយគឺត្រូវមានសមាសភាគបីសំខាន់ៗជាមូលដ្ឋានៈ
- រៀបរាប់ច្បាប់រដ្ឋធម្មនុញ្ញដែលជាច្បាប់កំពូលរបស់ជាតិ
- ពណ៌នាច្បាប់សិទ្ធិមនុស្សសំខាន់ៗ ដូចជាសិទ្ធិ និងករណីយកិច្ចប្រជាពលរដ្ឋ សិទ្ធិ សំដែងមតិ សិទ្ធិការពារខ្លួន
- ពណ៌នាវប្បធម៌អរិយធម៌ និងសំណង់ប្រាសាទបុរាណដែលជាមរតកដ៏មានតំលៃជា ពិសេសទឹកដីព្រៃព្រឹក្សារបស់ជាតិទាំងមូល
- រៀបរាប់និងយល់ដឹងពីសារៈសំខាន់នៃសុភមង្គលគ្រួសារនិងការថែទាំសុខភាពផ្លូវចិត្ត។ យល់ដឹងពីច្បាប់ជាតិ និងអន្តរជាតិ និងតួនាទីភារកិច្ចក្នុងការអនុវត្តន៍ច្បាប់ទាំងនោះ ទៅតាមនិយាមជាតិ និងអន្តរជាតិជាពិសេសច្បាប់នឹងសន្ធិសញ្ញាអន្តរជាតិច្បាប់អង្គការសហប្រជាជាតិ ជាដើម។
- ការមិនជ្រៀតជ្រែកកិច្ចការផ្ទៃក្នុងរបស់ប្រទេសណាមួយ ដែលជាសមាជិកអង្គការ សហប្រជាជាតិ។
២. បំណិន
- បង្ហាញពីលក្ខណៈសម្បត្តិមនុស្សដែលមានតំលៃគុណធម៌ និងការទទួលខុសត្រូវ
- បង្ហាញបំណិនក្នុងការទាក់ទងជាមួយសមាជិកគ្រូសារភាពស្អិតរមួតក្នុងក្រុមគ្រួសារ ដើម្បីគ្រួសារមានសុភមង្គល
- ពិភាក្សាការទទួលខុសត្រូវរបស់អង្គការនីតិបញ្ញត្តិ នីតិប្រតិបត្តិ តុលាការ និងសារៈ សំខាន់នៃរដ្ឋធម្មនុញ្ញនិងនីតិអន្តរជាតិ
- អនុវត្តសិទ្ធិនិងករណីយកិច្ចរបស់ខ្លួនដែលជាប្រជាពលរដ្ឋដូចមានចែងនៅក្នងរដ្ឋ ធម្មនុញ្ញនិងភាពជាម្ចាស់ប្រទេសដែលមានឯករាជ្យភាពរបស់ខ្លួន
- បង្ហាញសារៈសំខាន់នៃការថែរក្សាវប្បធម៌ អរិយធម៌ដែលជាអត្តសញ្ញាណជាតិ។
- ចេះដោះស្រាយបញ្ហាទាំងក្នុងឆាកជាតិនិងអន្តរជាតិ ចេះការពារថែរក្សាអត្តសញ្ញាណ ជាតិវប្បធម៌អរិយធម៌ដ៏ផូរផង់របស់ជាតិទាំងមូល។
៣. ឥរិយាបថ
- ឲ្យតំលៃលើខ្លូនឯង និងគោរព ឲ្យតំលៃដល់អ្នកដទៃ
- មានស្មារតីទទួលខុសត្រូវក្នុងការសំរេចនិងមានទំនាក់ទំនងល្អជាមួយក្រុមគ្រួសារ និងសង្គម
- បណ្តុះស្មារតីចូលរួមចំណែកជួយអភិវឌ្ឍសហគមន៍និងសង្គម
- មានការទទួលខុសត្រូវក្នុងការប្រើប្រាស់សិទ្ធិរបស់ខ្លួន ដោយមិនឲ្យប៉ះពាល់សិទ្ធិ អ្នកដទៃចេះគោរពច្បាប់ជាតិនិងច្បាប់អន្តរជាតិ